رفتن به بالا

روزنامه فرهنگی، اجتماعی، اقتصادی رۆژان

تعداد اخبار امروز : 0 خبر


  • پنجشنبه ۲۷ دی ۱۳۹۷
  • الخميس ۱۰ جماد أول ۱۴۴۰
  • 2019 Thursday 17 January

  • روزنامه روژان

    صاحب امتیاز و مدیر مسوول: سلیمان الله‌مرادی

    ..............................................................

    نشانی: سنندج - میدان آزادی - انتهای کوچه سجادی (کوچه رزان) - پلاک ۱۱۵

    کد پستی: ۳۳۹۵۳-۶۶۱۳۷

    ..............................................................

    تلفن: ۳۳۲۳۸۵۴۵-۰۸۷

    ای‌میل: info@rojanpress.com

    کانال تلگرام: rojanpress@


اوقات شرعی

  • شنبه ۱۹ شهریور ۱۳۹۵ - ۲۱:۲۶
  • کد خبر : 1231
  • هفته‌نامه روژان
  • چاپ خبر : پرسه
گه‌شتێک له کوردستاندا

پرسه

ئێقباڵ پایەزدان(گەڵواخ)/ دەمەوئیوارەی پێنجشەممە بوو خەریکی داخستنی دەرکی دوکان بووم کە مۆبایلەکەم زەنگی خوارد. کچی مامم بوو دەنگی وەکو جاران نەبوو. هەستم کرد شتێ قەوماوە دوای سڵاو بە هەوڵیکەوە و بە دەنگێکی حەزین گوتی رەئوف مردوە تەراکتۆرەکەی بۆ چاکسازی بۆ دیواندرە بردبوو کە گەراوەتەوە بۆ گوندی داڵان نزیکی نسارە تەڕاکتۆرەکەی لە رێگە هەڵگەراوەتەوە و گیانی […]

ئێقباڵ پایەزدان(گەڵواخ)/ دەمەوئیوارەی پێنجشەممە بوو خەریکی داخستنی دەرکی دوکان بووم کە مۆبایلەکەم زەنگی خوارد. کچی مامم بوو دەنگی وەکو جاران نەبوو. هەستم کرد شتێ قەوماوە دوای سڵاو بە هەوڵیکەوە و بە دەنگێکی حەزین گوتی رەئوف مردوە تەراکتۆرەکەی بۆ چاکسازی بۆ دیواندرە بردبوو کە گەراوەتەوە بۆ گوندی داڵان نزیکی نسارە تەڕاکتۆرەکەی لە رێگە هەڵگەراوەتەوە و گیانی لە دەس داوە.
بەیانی زوو لەگەڵ براو خۆشکان و دایکم بۆ پرسە و سە‌ره‌خوەشی لە کەس و کاری دەبێ رێکەوین خوداحافیزی لە گەڵ کردم. لە بەر خۆمەوە گۆتم
مردن چەندە ئاسانه و پێمانه‌وه نزیکە!
بۆ بەیانی کاتژمێری ۸و سی خوله‌ک قەرارمان دانا ڕێ کەوین. تا کۆبووینەوە سه عات بوو بە ۹ . بە دوو ماشێن لەگەڵ براو دایک و خاڵۆ و کچەکانی مامم کەوتینە ڕێ. بە ڕێوەبووین کە زەنگیان لێدا هێشتا پزیشکی یاسایی ته‌رمه‌که‌ی ڕادەست نەکردووین. ئێمەیش بەرەو سەر قەبران (بهشت محمد)ی دیواندەرە کە خەڵکێکی زۆری لێ کۆ ببوەوە رویشتین. هاوارو شیوەن وگریانی ژنان گوێیان کەڕ دەکرد.
دوای یەک ساعەت و نیو کە لەوێ بووین مۆڵەتی ناشتنیان دابوو. ئێمە تۆزێ زووتر لەبەر ئەوەی نەکەوینە ناو قەرەباڵغی خەلک و ماشێنەکان بەرەو گوند کەوتینە ڕێ، گوندی داڵان دەکەوێتە ۱۷ KMی نسارە گەورەوە. پێش گەیشتن دەبوا چوار گوندی بەرەکە، ئاغەجەری، باخچەڵەونسارەی خواروومان، بەجێ هێشتبایە. کاتێ ئێمە گەیشتین جه‌ماوه‌‍رێکی زۆر لە ناو گوندی داڵان و گوندەکانی دەوروبەر لەسەرقەبران کۆ ببوونەوە. خەڵکی لادێ لە شار زۆر دڵپاک‌ترن لەگەڵ یەکدا هەڵسوکەوتیان زۆرە و لە خێروشەردا بەڕاستی بە پیری یەکەوە دەچن . ئەگەر یەکێ گیانی لەدەست بدا هه‌موو خەڵکی گوندەکە ئەو مردوە بەکەس وکاری نزیکی خۆیان دەزانن. لە گەورە تا بچووک بە خاووخێزانەوە بەرێک و پێکی رێورەسمی ئەو پرسە دەبەنە رێوە تا ئەو جێگە ناهێڵن ئاو لە زکی خاوەن مردووبشڵەقێ و ئەوە بەئەرکی سەرشانی خۆدەزانن، لەشایی و زەماوەندیشدا هەروا هاوکارییەکی باشیان پێکەوەهەیە.
بە ناڵە و شین وگریان بە خاک سپێردرا. هەموومان بۆ سەره‌خوەشی و دۆعا خوێندن لە بەرماڵی خاوەن مردوو کۆ بووینەوە. کارێکمان نەمابوو، ویستمان بۆ سنە بگەرێینەوە دەمەو نەهار بوو ئیزنی رۆیشتنیان پێمان نەدا، دوای نەهار بەرەو مزگەوت بووینەوە. زۆر ماندوو بووم. دوینێ شەو کەم نووستبووم. تینی گەرما لەلایەکەوە و تەپ وتۆزی توندی باش لە لایەکی ترەوە کارێکی کردبوو چاو چاوی نەدەدیت. کە لە ئاوێنە سەیری خۆتت کردبایە ئەتگۆت مانگێکە ئاوت بە چاونەدیوە. دەسنوێژمان گرتوو چوینە ناو مزگەوت. زۆر دانە نیشتبووین کە مەلای گۆند بەر مەنبەری گرتوو زۆری وتو کەمی بیست. هەمووی وەڕه‌ز کرد شتێکی بۆ گوتن نەبوو ئەمە دەردێکە زۆری ئەم مەلایانە هەیانە وانەی عیلم و زانینیان لە ئاستێکی خوارەوەیە لە بواری ئایینیش دا تەنیا وتاری یەک دووپات ده‌که‌نه‌وه پێخۆریان تەنیا بۆ خەڵکی ساویلکەیە. دەبێ لە ئەو راستیەیش لا نەدەین کە زانا و دانای دینی زۆرمان هەبووە و ئەبێت کە هوی شانازی و شەرەف و گەورەیین بۆ نەتەوە و وڵاتەکەمان.
بەدوای دوعا و سەرەخۆشی لەمزگەوت هاتینە دەرێ هەوا زۆر گەرم بوو لە پەنای دیواری ماڵێکدا کە سێبەر بوو بەتەمای ئەوانی دیکە دانیشتین سەیری ماڵەکانی ئاواییم دەکرد زۆری کاگڵی بوون بونیادمەسکەن (طرح هادی) بەباشی لەم گوندە بە ئەنجام نەگەیاندبوو وەکوو زۆرکاری دیکەی رێکخراوه‌کانی دەوڵەتی نیوەو ناتەواو بوون لە سیمای ئەو خەڵکە زەحمەت و تێکۆشانی زۆرت بەدی دەکرد دیاربوو خەڵکانێکی هەژارن. ژنی وام ئەبینی بەتەمەن پەنجا ساڵیان دەبوو لە گوشاروسەختیەکانی ژیان پشتیان چەمابۆەوە کە بەتەمەن ۸٠ نیشان ئەدران ئەرکی ژیانی لادێ پترلەئەستوی ژنانە، ڕاستە گوندەکه دیمەنێکی ناحەزی بوو و ئاوەدانیەکت لێ بەدی نەدەکرد بەڵام گەرمای ژیانت لەو خەڵکە ساویڵکە و پاکە هەست ئەکرد، بە خۆمم گوت داخۆ تائیستا بەرپرسێ رێگەی کەوتبێتە ئەم دێیە دەتگوت دوسەد ساڵ لەوەوپێشە. هەرواکەبیرم لەژینی تاڵ وئەستەمی ئەوخەڵکە دەکردەوە شتێ سه‌رنجمی بەرەو لای خۆی ڕاکێشا، چاوم وه‌ستا دڵم ژانی کرد ڕاست لەناوەندی دێیەکە نزیکی مزگەوتەکە دو سێ شتیان بۆ کایە کردنی مندالان ساز کردبووکە خۆزگە قەت دروستیان نەدەکرد، داردیلەکانی کەتەنیا چوارچێوە ئاسنیەکەی مابوو، خلیسکێن، کەرەستەیەکی دیکە کە بە ڕوالەت بوونی هەبوو بۆ کایەی منداڵان، لە ڕاستیدا کاری نەدەکرد و بێ کەڵک بوو. بەڵام منداڵ بۆ دڵ خۆشی تێیدا دا دەنیشتن، لەو ناوە من منداڵێکم بینی کە بەو گەرما لەو کەرەستە بێ کەڵکەدا دانیشتبوو هەستم کرد خۆزگە دەخوازێ کاری کردبایەو ئەو دەورێ تێیدا بخولابایەتەوە. من هەموو ئەو قسانەم لە بێدەنگی منداڵەکەدا هەست پێ کرد!
ئامراز و کەرەستەیەک نەبوو کە ئەو کایەی پێ بکا ، سەیری ئەو دیمەنە رامی چڵەکاند بۆچی ئەو منداڵە دێ نشینە لە گەڵ رۆلەکانی دیکەی ئەم خاکە چە جیاوازییەکی هەیە مە گەر نابێ ئەویش لەداهاتوودا بۆدروست کردنی ئەم وڵاتە دەستێکی هەبێت بۆچی دەبێ هێندە دڵرەق بین چاوبپۆشین لە سەرەتایی‌ترین مافی ژیانی هەرمروڤێک و بێ بەش بن لە ژینێکی ئاسایی، ماوەیه‌ک لەمەوپێش بوو کە لەنێو دونیای مەجازی فیشی پارە وەرگرتنی مانگانەی بڕێ لە بەرپرسان بڵاو کرایەوە کە مانگانەی ئەوان بەڕاستی دەتوانێ گوندێک ئاوەدان کاتەوە ، ژیانی تاڵی ئەم خەڵکە لە نێو ئەم گوندە خستمیە بیر ئەو شێعرە بەرزەێ مامۆستا هەژاری موکریانی :
چەپ گەردی گەردوون گەڕان کوشتمی
نەزان پەرە‌ستی بۆ نان کوشتمی
هەر چەوسانەوەی بێ حەسانەوەێ ئەی مردن لەکوێی ژیان کوشتمی
هەروا لە ناو بیر و خەیاڵاتا بووم کە بانگیان کردم ئەبێ گوند جێ بهیڵین و بۆ شار بگەرینەوە.

اخبار مرتبط

نظرات

یادداشت روژان

به یاد کاک رحیم ذبیحی

هژیر الله‌مرادی انگار همین دیروز بود به دفتر روژان آمد، مانند همیشه با چهره‌ای خندان و چند ایده جدید که انجام هرکدام می‌توانست چراغی روشن فراروی نسل آینده باشد، کاک رحیم تنها یک کارگردان و فیلمساز عادی نبود. او غم مردم داشت و پشت هرکدام از آثارش می‌توان انبوهی از رنج و مرارت را دید. خود می‌گوید: غمی انسانی از من یک فیلمساز ساخت. در باره روژان نیز گفت: همان نشریه‌ای است که سالها انتظار بودنش را داشتیم. مرگ حق است اما افسوس که برای رحیم ذبیحی زود بود و طرحهایش ناتمام ماند. از تهیه فیلمی بنام «روزی، روزگاری شهرمان بانه» حرف می‌زد که نگاهی به وقایع تلخ روزهای جنگ و بمباران شهر داشت، وقایعی که بخشی از تاریخ فرهنگ پایداری کردستان را می‌توانست ثبت کند، فراخوان طرح را ما در روژان هم منتشر کردیم اما حیف که دست اجل مهلت نداد و خیلی زود روح بلندش به آسمان پرکشید و همه ما را در غم فقدان خود سوگوار کرد، روحش شاد و یادش گرامی.