رفتن به بالا

روزنامه فرهنگی، اجتماعی، اقتصادی رۆژان

تعداد اخبار امروز : 0 خبر


  • پنجشنبه ۲۷ دی ۱۳۹۷
  • الخميس ۱۰ جماد أول ۱۴۴۰
  • 2019 Thursday 17 January

  • روزنامه روژان

    صاحب امتیاز و مدیر مسوول: سلیمان الله‌مرادی

    ..............................................................

    نشانی: سنندج - میدان آزادی - انتهای کوچه سجادی (کوچه رزان) - پلاک ۱۱۵

    کد پستی: ۳۳۹۵۳-۶۶۱۳۷

    ..............................................................

    تلفن: ۳۳۲۳۸۵۴۵-۰۸۷

    ای‌میل: info@rojanpress.com

    کانال تلگرام: rojanpress@


اوقات شرعی

  • دوشنبه ۲۱ آذر ۱۳۹۵ - ۱۳:۲۸
  • کد خبر : 1752
  • هفته‌نامه روژان
  • چاپ خبر : مامۆسا ئەولوەهاب ئاریان(هه‌ورامی)

بڕێ جە زەریفیە ئەدەبییەکا جە دیوانوو مامۆسا ئەولوەهاب ئاریانینە. ئی ماموسا پایە بەرزە کە نازنامش (بەدبەختا) دەورەو ژیوای و شاعێریش بەینوو ساڵەکاو (١٢٨٧-١٢٠۵) ی کۆچی بییەن جە دەگاو ئاریانی سەر بە ناوچەو ژاوەرۆی، ئی ماموسا پیایێ زانا و گەورە بییەن بێجگە دەرسوو مەڵایی جە شێعرو ئەدەبیاتنە زەوق و شارەزاییە فرەش بیه‌ن و دیۆانی شێعریش بە […]

بڕێ جە زەریفیە ئەدەبییەکا جە دیوانوو مامۆسا ئەولوەهاب ئاریانینە.
ئی ماموسا پایە بەرزە کە نازنامش (بەدبەختا) دەورەو ژیوای و شاعێریش بەینوو ساڵەکاو (١٢٨٧-١٢٠۵) ی کۆچی بییەن جە دەگاو ئاریانی سەر بە ناوچەو ژاوەرۆی، ئی ماموسا پیایێ زانا و گەورە بییەن بێجگە دەرسوو مەڵایی جە شێعرو ئەدەبیاتنە زەوق و شارەزاییە فرەش بیه‌ن و دیۆانی شێعریش بە دەسوو وێش نویستەن کە چن ساڵێ چیوەڵتەر ئی یەرە ئازیزا: کاکە عەودڵا رەحیمی، کاکە تەها شەهیدی و کاک عابید ئیزەدی شێعرەکاشا کۆ کەردێنێوە و چاپشا کەردێنێ، بەڵام بە داخەوە هیچ کارێشا سەروو ئا کتێبیوە نەکەردەن. هەر پاسە زانمێ هیچ نویسیایێ یا کتێبێ بێ عەیب و هەڵە نیا تا ئا یاگێ من زانوو ئی دیوانە شیعریە وەختێ بایەخ پێدا کەرۆ بە زانایی، چن کەسێ بژارش کەرا و قورس و سووک کریۆ. هیوا دارێنمێ هەرچێ زووتەر ئی کارە کریۆ.
ئیسە چن خاڵێ جە زەریفیە ئەدەبیەکا نیشانە دریا. بەڵام ئەشۆ زاناکا وێشا ئا زەریفیا بێزاوە:
١). ایهام
دور جە باڵاو تو، مەردە مەردە بۆ
چەنی دەرد و خەم هیجران وەردە بۆ
تەرمم هۆرگیرا بەر بەرام وە بەر
خــــــاپوور بو یانەم خاکم بۆ وە سەر
نەکەریم بەدبەخت جە سارای مەحشەر
با جەتی ئەعجاز رۆتبەی پەیغمبەر
٢). استعارە
زینهار نەدەری، ناخوون بە قەمەر
پەی نەبۆ ئازار، قۆرس ئەو قەمەر
گـــــــــوی لیمو نیان، وە دەم تڵفەوە
زوڵف مەدەو وە تڵف، تلف وە زوڵفەوە
ئاوەنگان کەردەن، سپای حەی و نەی
پــــــەخشانەن وە ناز وە قەندیل بــــــەی
٣). مراعات نظیر
عەیش و بەشارەت، نشاتم بە تۆن
ســـــاکنی ئەی زید، مەکانم بە تۆن
تاقەت و ئارام ، مۆدارم بە تۆن
ســـــەبرو راحەتی ، قــەرارم بە تۆن
۴). اغراق
گڵپەی دەروونـم سەما ســــاواوە
زمــــزەمەی قەیران مەرگـــــــم یــــــاواوە
فەڵەک ڕەنگێ ڕەشت ، بەڵام کامین ڕەنگ
ڕەنگ ماتەمی، سەنگ مەیو وە دەنگ
۵). تشبیە
زەنگڵەی قەترەی ئاو، لوول کڵفەوە
مــــــەولەق چوون لۆلۆ، بە تای زڵفـــەوە
پەی وێت نمەبو جەمین وینەی جام
یەک شەرتی چوون من ببۆ نە روی عام
۶). واج آرایی
زێـــــــــــدو زامنت زریــــــوار کـــــــــەرو
وە بـــــەرق غەزەب ، نگونســـــــار کەرۆ
چەنی کەردەی ویم سای سەراچەی سەنگ
خجل بمـــــانوو، دڵ تــــەنگ بێ دەنگ
٧). کنایە
خاک بێ مۆروەت بکەروم زەنجیر
مـەر ئەوسا نامت نەمــــــــانۆ نەویــــر
نەبانەی شەڵلا ، خاتر گێرۆ گەرد
جە دوور وەتەنیم ، مەیلش کەرو سەرد
٨). لف و نشر
هەر یۆ بە رەمزێ هەر یۆ کەمەندێ
هــەر یۆ بە تەرزی، هەر یو نە بەندێ
٩). تلمیح
رۆح ئالەم ئەرواح، تەمام خاس و کەست
جــــــــەو ڕاسە بازار مەیدان ئەلەست
ماسیوا جە وێش، مەبۆ بو فـــــــــــــــەنــــــا
باقیەن بــــــــــــاقی ، حـــــــــی ابــــــــــدا
١٠). تضمین
فەرد وەش مەزموون (( بێساران ماوا))
مـــــــەگەر ئەی فەردە دڵ کەرۆ ئــــــاوا
ئومید هەر بە تۆن یا سای ساحیب نەرد
یا هـــامڕاز یا مەرگ، یا دەوا پەی دەرد
١١) حقیقت و مجاز
وەنەت عار نەبو، جە بادەی مۆبەت
جـــــــام جام بنوشە، من ئاسـا شەربەت
کێ گۆش دەو شەوان، وە ناڵەی ناڵەم
بــــــەی وە سەرینم بێ پەروای ئــــــاڵەم
ســەبرم ڕەم کەردەن، نه‌جاتم سەندەن
ئـــــــەجەل دام مەرگ، نەڕاگەم تەندەن
١٢). تضاد
کێ زوردارت بی، سەوگەندت مەوەرد
ئیسە پەی چێ مەیل، گەرمت کەردەن سەرد
بەو جەلای جێلوە، عیشوە سازی کەرد
چەپ و ڕاست پەی پەی تیر ئەندازی کەرد
١٣). تناقض
هـــــــــەناسان سەرد توغیان کەردەوە
مینـــای خــــــــــاترم، دا وە بەردەوە
١۴).حس آمیزی
عەجەب مەزەی کەیف، ئاهەنگێ دارۆ
پــــــەی ئامای وەشی، ساعەت مەشمارۆ
ڕەنگ تاڵی تاڵ چوون سیا سەنگەن
نەجە لای جیلوەن، نە شەوق نە رەنگەن
١۵). حسن تعلیل
بــــــــــــاقی وەسەلام شای شیرین شێوە
بـــەدبەخت جە دووریت شێت بیەن لێــــــوە
پـــــــەرسام هەی خەزان، جام تەلێ تەرز
سەبەب جە چێشەن دووری توجە تەرز
واتش جەی وەرتـــــــــەر سیم ئەندامێوە
ئـــــــامان بەڕەزان خەزان نــــــــــــامێوە
١۶) اشتقاق
تۆ وێت وە سەیاد دڵ وە سەید کەردی
دیجامەی شێوەت موقابڵ کـــــــــەردی
مــــــــــــەعلووم بزانە ئانە حەقیقەن
بـــــــــــێ مەجاز تاویای سوز تەحقیقەن
١٧). تکرار و تصدیر
قیبلەم دیم نەخاو قیبلەم دیم نەخاو
ئیمشەو نــــــــــــــەخەودا قیبلەم دیم نەخاو
حەکیم پەی بەدبەخت حەکیم حەکیمەن
غــەیر ئەر جە حەکیم مەر کێ حەکیمەن
١٨) جناس
پریقەی تریفەی، کومتەی کەڵەڕەم
جــە لارەکاوان، پۆل پۆل جەم جەم
سیــــــــای قەترانی، کلافانی خام
چین چین سپای چین قیام کەرد قیام

اخبار مرتبط

نظرات

یادداشت روژان

به یاد کاک رحیم ذبیحی

هژیر الله‌مرادی انگار همین دیروز بود به دفتر روژان آمد، مانند همیشه با چهره‌ای خندان و چند ایده جدید که انجام هرکدام می‌توانست چراغی روشن فراروی نسل آینده باشد، کاک رحیم تنها یک کارگردان و فیلمساز عادی نبود. او غم مردم داشت و پشت هرکدام از آثارش می‌توان انبوهی از رنج و مرارت را دید. خود می‌گوید: غمی انسانی از من یک فیلمساز ساخت. در باره روژان نیز گفت: همان نشریه‌ای است که سالها انتظار بودنش را داشتیم. مرگ حق است اما افسوس که برای رحیم ذبیحی زود بود و طرحهایش ناتمام ماند. از تهیه فیلمی بنام «روزی، روزگاری شهرمان بانه» حرف می‌زد که نگاهی به وقایع تلخ روزهای جنگ و بمباران شهر داشت، وقایعی که بخشی از تاریخ فرهنگ پایداری کردستان را می‌توانست ثبت کند، فراخوان طرح را ما در روژان هم منتشر کردیم اما حیف که دست اجل مهلت نداد و خیلی زود روح بلندش به آسمان پرکشید و همه ما را در غم فقدان خود سوگوار کرد، روحش شاد و یادش گرامی.