رفتن به بالا

روزنامه فرهنگی، اجتماعی، اقتصادی رۆژان

تعداد اخبار امروز : 0 خبر


  • دوشنبه ۱ بهمن ۱۳۹۷
  • الإثنين ۱۴ جماد أول ۱۴۴۰
  • 2019 Monday 21 January

  • روزنامه روژان

    صاحب امتیاز و مدیر مسوول: سلیمان الله‌مرادی

    ..............................................................

    نشانی: سنندج - میدان آزادی - انتهای کوچه سجادی (کوچه رزان) - پلاک ۱۱۵

    کد پستی: ۳۳۹۵۳-۶۶۱۳۷

    ..............................................................

    تلفن: ۳۳۲۳۸۵۴۵-۰۸۷

    ای‌میل: info@rojanpress.com

    کانال تلگرام: rojanpress@


اوقات شرعی

  • شنبه ۱۶ بهمن ۱۳۹۵ - ۱۲:۲۰
  • کد خبر : 2179
  • هفته‌نامه روژان
  • چاپ خبر : کورد کڵۆڵ و بێ‌پەنایە ناڵەی دەگاتە ئاسمان

نان؛ سه‌ره‌کیترین پێداویستی هه‌ر بوونه‌وه‌رێکه. پێشینیانمان فه‌رموویانه: «نان نه‌بێ، ئیمانیش نیه». مرۆڤێ که خه‌می نانی هه‌بێ، ژیانی بێ‌سامانه. مرۆڤی برسی،  مرۆڤێکی سه‌رلێشواو و بێ‌هیوایه. «ئه‌بووزه‌ری غه‌فاری» فه‌رموویه: «سه‌رم سووڕئه‌مێنێ له‌و که‌سه‌ی وا له ناو سفره‌که‌یا، نان نیه و به شمشێر به‌رنابێته گیانی خه‌ڵک»… ده‌یان ساڵه کورده‌کانی ئێران، سه‌ره‌ڕای هه‌ژاری و ده‌سکورتیی له ڕاده‌به‌ده‌ر، به سه‌ر […]

نان؛ سه‌ره‌کیترین پێداویستی هه‌ر بوونه‌وه‌رێکه. پێشینیانمان فه‌رموویانه: «نان نه‌بێ، ئیمانیش نیه». مرۆڤێ که خه‌می نانی هه‌بێ، ژیانی بێ‌سامانه. مرۆڤی برسی،  مرۆڤێکی سه‌رلێشواو و بێ‌هیوایه. «ئه‌بووزه‌ری غه‌فاری» فه‌رموویه: «سه‌رم سووڕئه‌مێنێ له‌و که‌سه‌ی وا له ناو سفره‌که‌یا، نان نیه و به شمشێر به‌رنابێته گیانی خه‌ڵک»…
ده‌یان ساڵه کورده‌کانی ئێران، سه‌ره‌ڕای هه‌ژاری و ده‌سکورتیی له ڕاده‌به‌ده‌ر، به سه‌ر و ماڵ و گیان و خوێنی خۆیان، سنووره‌کانی ئێرانیان پاراستووه‌‌و ڕێگه‌ی ده‌سدرێژیان نه‌داوه به دوژمنان. به‌ڵگه‌ی ئه‌م وته‌یه‌ش،  ئه‌وه‌یه که له ماوه‌ی ۸ ساڵ شه‌ڕی ئێران و ئێراقدا ته‌نانه‌ت یه‌ک بست له خاکی کوردستان نه‌که‌وته ده‌س ئه‌رته‌شی داگیرکه‌ری عێراقه‌وه. ته‌نیا، دانیشتووانی پارێزگای کوردستان، ۵۴۰۰ شه‌هیدیان له پێناوی ئاسایش و ئارامشی ئه‌م ئاو و خاکه‌دا پێشکه‌ش کردوه.
به درێژایی مێژوو، هه‌زاران جار کورد برایه‌تی و دڵسۆزی خۆی به هاووڵاتیانی ئێرانی خۆی سه‌لماندووه به‌ڵام به‌داخه‌وه ده‌سه‌ڵاتدارانی ئێران، روانینیان بۆ کورد باوه‌ژنانه‌یه و وه‌کوو شارۆمه‌ندی پله‌ی دوو و سێ له‌گه‌ڵیا هه‌ڵسووکه‌وت ئه‌که‌ن.
به‌ڕاستی رێژه‌ی هه‌ژاری و بێکاریی له ناوچه کوردنشینه‌کانی ئێراندا سه‌رسووڕهێنه‌ره و گه‌یشتووه‌ته ئاستێکی زۆر مه‌ترسیدار و ترسناکه‌وه. ته‌نانه‌ت دیارده‌ی هه‌ژاری و بێکاریی له ناوچه سنووریه‌کانا زۆر زۆرتریشه. دانیشتووانی گونده سنووریه‌کان، به هۆی نه‌بوونی ده‌رفه‌تی کاری ئیداریی، نه‌بوونی کارگه‌ و کارخانه‌، مینڕێژ بوونی زه‌ویه کشتوکاڵیه‌کان و ده‌یان کێشه‌ی گه‌وره و بچووکی‌تر،  له دژوارترین هه‌لومه‌رجدان و به چنگ و دگان ژیان ئه‌به‌نه سه‌ر.
زۆربه‌ی گونده سنووریه‌کان، له سه‌ره‌کیترین پێداویستیه‌کانی ژیان وه‌کوو: رێگا، ئاوی خواردنه‌وه‌ی پاک، کاره‌با، گاز، فێرگه، نه‌خۆشخانه، ئاگرکوژێن، وه‌رزشگه، یاریگه، نانه‌وایی و… بێبه‌شن. هێشتا کاره‌ساتی ئاگرگرتنی قوتابخانه‌ی گوندی شیناوێ که به هۆی نه‌بوونی کوره‌ی ئێستاندارد و ئاگرکوژێنه‌وه روویدا و جه‌رگمانی سووتاند، له بیرمان نه‌چووه‌ته‌وه.
له ئاوا هه‌لومه‌رجێکدا، بۆ سنوورنشینانی بێکار و هه‌ژار هیچ رێگایێکی‌تر نامێنێته‌وه جگه له «کۆڵبه‌ریی»…
کۆڵبه‌ریی، شێوه‌یێک له کۆیله‌داریی مۆدێڕنه که پیاوی سنوورنشین له رووی ناچاریه‌وه وه‌کوو کارو پیشه هه‌ڵیئه‌بژێرێ. کۆڵبه‌ری داماو و هه‌ژار بۆ رۆژی ۳۰ هه‌زار تمه‌ن، خۆی ئه‌خاته ژێر مه‌ترسی چوونه سه‌ر مین، رووبه‌ڕوو بوونه‌وه له گه‌ڵ ئاژه‌ڵه دڕڕنده‌کان، گه‌رمای تیژی هاوین، به‌فر و هه‌ره‌س و سه‌رمای ئێسقانسووتێنه‌ریی زستان، گولله‌ی هێزه ئه‌منییه‌کان و ده‌یان مه‌ترسیی‌تر…
به‌داخه‌وه به‌رپرسانیش بۆ رزگار کردنی سنوورنشینان له بێکاریی و هه‌ژاریی هیچ کارێ ناکه‌ن و ته‌نیا رێکاریان بۆ چاکسازیی دیارده‌ی قاچاخ، کوشتنی کۆڵبه‌رانی زه‌حمه‌تکێش و ره‌نجده‌ره و ئه‌مه‌ش، نه‌ته‌نیا هیچ شانازیێکی نیه، کارێکی نامرۆڤانه و زۆر ناشایسته. به ڕاستی چه‌نێ دڵته‌زێن و جه‌رگبڕه دیتنی مه‌رگی  کۆڵبه‌رانی برسیی، که ته‌نیا سووچ و تاوانیان هه‌وڵدان بۆ به‌ده‌ستهێنانی پاروه نانێکه بۆ بژێوی ژن و منداڵیان…
بێ‌گومان قاچاخ، په‌سه‌ندکراو نیه و که‌س به کارێکی باشی نازانێ و ئاشکرایه خێره‌که‌یشی، ئه‌چێته گیرفانی سه‌رمایه‌داران و ده‌ڵاڵه‌کان. کۆڵبه‌ریی داماویش، به‌و هه‌موو دڵه‌ڕاوکێ و دڵه‌له‌رزه‌و مه‌ترسیه‌وه، ته‌نیا به ئه‌ندازه‌ی بژیوێکی بژی و مه‌مری بنه‌ماڵه‌که‌ی ده‎سئه‌که‌وێ و سه‌ره‌ڕای ئه‌مانه‌ش، نه ئه‌منیه‌تی هه‌یه، نه بیمه و نه مووچه‌ی خانه‌نشینی.
لێره‌دا پرسیارێکی ئازارده‌ر دێته ئاراوه که هیوادارم به‌رپرسان وڵامی بده‌نه‌وه:
کۆڵبه‌ری هه‌ژاری بێکاری ده‌سکورتی کورد، کۆڵبه‌ریی نه‌کات، چی بکات!!؟

اخبار مرتبط

نظرات

یادداشت روژان

به یاد کاک رحیم ذبیحی

هژیر الله‌مرادی انگار همین دیروز بود به دفتر روژان آمد، مانند همیشه با چهره‌ای خندان و چند ایده جدید که انجام هرکدام می‌توانست چراغی روشن فراروی نسل آینده باشد، کاک رحیم تنها یک کارگردان و فیلمساز عادی نبود. او غم مردم داشت و پشت هرکدام از آثارش می‌توان انبوهی از رنج و مرارت را دید. خود می‌گوید: غمی انسانی از من یک فیلمساز ساخت. در باره روژان نیز گفت: همان نشریه‌ای است که سالها انتظار بودنش را داشتیم. مرگ حق است اما افسوس که برای رحیم ذبیحی زود بود و طرحهایش ناتمام ماند. از تهیه فیلمی بنام «روزی، روزگاری شهرمان بانه» حرف می‌زد که نگاهی به وقایع تلخ روزهای جنگ و بمباران شهر داشت، وقایعی که بخشی از تاریخ فرهنگ پایداری کردستان را می‌توانست ثبت کند، فراخوان طرح را ما در روژان هم منتشر کردیم اما حیف که دست اجل مهلت نداد و خیلی زود روح بلندش به آسمان پرکشید و همه ما را در غم فقدان خود سوگوار کرد، روحش شاد و یادش گرامی.