رفتن به بالا

روزنامه فرهنگی، اجتماعی، اقتصادی رۆژان

تعداد اخبار امروز : 0 خبر


  • دوشنبه ۱ بهمن ۱۳۹۷
  • الإثنين ۱۴ جماد أول ۱۴۴۰
  • 2019 Monday 21 January

  • روزنامه روژان

    صاحب امتیاز و مدیر مسوول: سلیمان الله‌مرادی

    ..............................................................

    نشانی: سنندج - میدان آزادی - انتهای کوچه سجادی (کوچه رزان) - پلاک ۱۱۵

    کد پستی: ۳۳۹۵۳-۶۶۱۳۷

    ..............................................................

    تلفن: ۳۳۲۳۸۵۴۵-۰۸۷

    ای‌میل: info@rojanpress.com

    کانال تلگرام: rojanpress@


اوقات شرعی

  • شنبه ۲۱ مرداد ۱۳۹۶ - ۱۸:۴۴
  • کد خبر : 3155
  • هفته‌نامه روژان
  • چاپ خبر : فەرەیدوون موشیری شاعێری تەنیایی و خەمی ژیان

کاتەکان لێم ناڕۆن، دەنگی کاتژمێر لە گوێمدا وەکوو بانگی دووپاتی وایە، خۆزگە بەو کەسەی کە هەموو کاتێکی ژیانی پڕ بێ لە ئەوین. موشیری شاعێرێکی بەهەستە کە تەمی تەنیایی و خەمی ژیان لە نێو هۆنراوەکانی بە ئاشکرا ئەبیندرێ، ئەو باسی ئەڤین ئەکات بەڵام لێی ڕوونە کە مرۆڤ تاسەر ئەڤیندار نامێنێ. «فەرەیدوونی موشیری» شاعیرێکی دیکەی هاوچەرخە کە […]

کاتەکان لێم ناڕۆن، دەنگی کاتژمێر لە گوێمدا وەکوو بانگی دووپاتی وایە، خۆزگە بەو کەسەی کە هەموو کاتێکی ژیانی پڕ بێ لە ئەوین.
موشیری شاعێرێکی بەهەستە کە تەمی تەنیایی و خەمی ژیان لە نێو هۆنراوەکانی بە ئاشکرا ئەبیندرێ، ئەو باسی ئەڤین ئەکات بەڵام لێی ڕوونە کە مرۆڤ تاسەر ئەڤیندار نامێنێ.
«فەرەیدوونی موشیری» شاعیرێکی دیکەی هاوچەرخە کە لە سێی خەرمانانی ١٣٠۵ هەتاوی بەرامبەر بە ١٩٢۶ی زایینی لە تاران لەدایکبووە. باوکی ناوی “ئیبراهیم” بووە و خەڵکی “هەمەدان” و لە وەزارەتی پۆست فەرمانبەر بووە، هەر لەبەر ئەوەیش زۆربەی ژیانیان لە شاری “هەمەدان” بوونە.
دایکی بە ناوی “ئەعزەمولسەڵتەنە” ناسراو بە “خورشید”، جارجار شێعری وتوە و باوکی دایکیشی بە ناوی “میرزا جەوادخانی موئتەمنولمەمالێک” بە نازناوی “نەجم” شێعری وتوە و دیوانێکی شێعری لە پاش بەجێ ماوە کە هێشتا لە چاپ نەدراوە.
لەبەر ئەوە کە باوکی ڕاسپاردراوی کاری دەوڵەت بووە کۆچ ئەکەن بۆ “تاران” و فەرەیدوون پۆلی یەک و دووی سەرەتایی لە “تاران” تەواو کردووە.
فەرەیدوون لە کاتی گەنجیدا هاتووە بۆ “تاران”، پاشان لەبەر کاری باوکی دوبارە کۆچ ئەکەن بۆ “مەشهەد” و دوای ماوەیێک گەڕاونەوە بۆ “تاران” و سێ ساڵی دواناوەندی لە “دارالفنونی تاران” بووە.
ئەو هەر لە پانزە ساڵی دەستی بە شێعر کوتن کردووە. خۆی ئەڵێ: لە ساڵی ١٣٢٠دا کە ئێران تووشی گیروگرفت ئەبێت و لەشکری موتەفێقین لە باکوور و باشوورەوە هێرش ئێنن بۆ ناو وەلات، من و بنەماڵەم هاتینەوە بۆ “تاران” و من دووبارە دەستم بە خوێندن کردەوە و جا هەر ئەو ساڵانە چووم بۆ زانکۆ. لە تەواوی تەمەنی منداڵیدا قینم لە کاری ئیدارە و دامەزران لە کاری کاربەدەستی بوو بەڵام بە داخەوە لە تمەنی ١٨ ساڵیدا لە وەزارەتی “پۆست و تەلەگراف“ دائەمەزرێ و هەر لەو ساڵەیشدا دایکی ئەمرێ، جا بە ماوەی ٣٣ ساڵ هەر لەو ئیدارەدا خەریکی کار کردن ئەبێ.
بە ڕۆژا کار ئەکات و بە شەویشدا دەرسی خوێندووە و چووە بۆ زانکۆی “تاران” و ئەدەبیاتی فارسی خوێندووە. پاشان ڕووی کردە کاری میدیایی و ڕۆژنامەنووسین. هەر لە بەر ئەم سەرقاڵیانە لە خوێندن دەست هەڵئەگرێ.
کۆمەڵە شێعرەکەی بەناوی “تشنە توفان” لە تەمەنی ٢٨ ساڵیدا لەساڵی ١٣٣۴ بە چاپی گەیاندووە.
لە ساڵی ١٣٣٢ تا ساڵی ١٣۵١ سەرپەرشتی لاپەڕەی گۆڤاری “روشنفکر” بووە کە پەیوەندی بە شێعر و ئەدەبەوە بووە کە باس لە ڕخنەی کتێب و فیلم و شانۆ و نێگارکێشی و پەخشان دەکات و زیاتری شاعێرانی ئەو سەردەمە هەوەڵ جار لەو مەگەزینەدا ناسراون. هەروەها لە مەگەزینی “سیاه و سفید” و ”زن روز” وتاری نووسیوە.
دەفتەرە شێعرەکانی بریتین لە: “تشنه طوفان”، “گناه دریا”، “نایافته”، “ابر”، “ابر و کوچه”، “بهار را باور کن”، “پرواز با خورشید”، “از خاموشی”، “برگزیده شعرها”، “گزینه اشعار”، “مروارید مهر”، ”آه باران”، “سه دفتر”، “از دیار آشتی”، “با پنج سخن‌سرا “، “لحظه‌ها و احساس”، “آواز آن پرنده غمگین”، “تا صبح تابناک اهورایی”، “نوایی هماهنگ باران” و “از دریچه ماه”.
لەساڵی ١٣٣٣ لەگەڵ خاتوو “ئێقباڵ ئەخەوان” کە ئەویش خوێنکاری نیگارگەری بەشی هونەرەجوانەکانی زانکۆی تاران بووە هاوسەرگیری ئەکات. خێزانیشی وەک ئەو دەست لە خوێندن هەلئەگرێ و ناچار ئەبێ لە دەرەوە کار بکات. ئەوان دوو مناڵیان ئەبێت بە ناوی “بابەک” و “بەهار” کە هەردووکیان لە بەشی بیناسازی زانستگای تاران دەرسیان خوێندوە.
شێعرە گرینگەکەی فەرەیدوون بە ناوی “کوچە” (کۆڵان)، لە مانگی گوڵانی ١٣٣٩ لە گۆڤاری “روشنفکر” بڵاو کراوەتەوە کە یەکێ لە جوانترین و عاشقانەترین شێعرەکانی نوێ بە زمانی فارسیە.
ئەو پەیوەندیێکی زۆری بە عیرفان و تەسەوۆف بووە و بەسەرهاتی “ئەبوو سەعید ئەبوالخێر”ی کە بریتی لە ١٠٠ چیرۆکە بە ناوی “یکسو نگریستن و یکسان نگریستن” لە ساڵی ١٣۴٠دا بڵاو کردوتەوە.
فەرەیدوون هەموو کات موسیقای ئێرانی بە لاوە گرینگ بووە و لە ساڵی ١٣۵٠ تا ١٣۵٧ یەکێ لە بەشداربووانی ڕاوێژگەی موسیقای شێعری لە بەشی ڕادوێ تاران بووە.
ئەو لە ساڵی ١٣٧٧ چووە بۆ ئاڵمان و ئامریکا و لەوێدا شێعری خوێندۆتەوە و لە سەفەرێکی بۆ سوویید لە کۆبوونەوەێکدا شێعری خوێندوە.
فەرەیدوون کە هەمیشە بە دەست نەخۆشی ئەیناڵاند لە بەیانی ڕۆژی جمعە ٣ی مانگی گەڵاڕێزانی ١٣٧٩ی هەتاوی بەرامبەر بە ٢۴ی ئۆکتۆبری ساڵی ٢٠٠٠ی زایینی لە تەمەنی ٧۴ ساڵیدا لە تاران کۆچی دوایی کردووە و لە قەبرستانی “بەهەشتی زهرا” بەشی هونەرمەندەکان بە خاکیان سپاردووە.
نموونەیێک لە شێعرە جوانەکەی:
بی تو، مهتاب شبی باز از آن کوچه گذشتم
همه تن چشم شدم خیره به دنبال تو گشتم
شوق دیدار تو لبریز شد از جام وجودم
شدم آن عاشق دیوانه که بودم !
در نهانخانه جانم گل یاد تو درخشید
باغ صد خاطره خندید
عطر صد خاطره پیچید…

واتە:
لە مانگەشەوێکدا بە بێ تۆ جارێکیتر بەو کۆڵانەدا ڕۆیشتم
هەموو گیانم بوو بە چاو و بە شوێن تۆدا ئەگەڕام
حەزی دیتنی تۆ لە هەموو گیانم ئەچۆڕا
بوومەوە بەو ئەڤیندارە شێتەی کە بووم
لە ناخی دەرونمدا گوڵی بیری تۆ درەوشایەوە
باخی سەد بیرەوەری بە ڕوما پێکەنی
بۆنی خۆشی سەدها بیرەوەریم کرد…

اخبار مرتبط

نظرات

یادداشت روژان

به یاد کاک رحیم ذبیحی

هژیر الله‌مرادی انگار همین دیروز بود به دفتر روژان آمد، مانند همیشه با چهره‌ای خندان و چند ایده جدید که انجام هرکدام می‌توانست چراغی روشن فراروی نسل آینده باشد، کاک رحیم تنها یک کارگردان و فیلمساز عادی نبود. او غم مردم داشت و پشت هرکدام از آثارش می‌توان انبوهی از رنج و مرارت را دید. خود می‌گوید: غمی انسانی از من یک فیلمساز ساخت. در باره روژان نیز گفت: همان نشریه‌ای است که سالها انتظار بودنش را داشتیم. مرگ حق است اما افسوس که برای رحیم ذبیحی زود بود و طرحهایش ناتمام ماند. از تهیه فیلمی بنام «روزی، روزگاری شهرمان بانه» حرف می‌زد که نگاهی به وقایع تلخ روزهای جنگ و بمباران شهر داشت، وقایعی که بخشی از تاریخ فرهنگ پایداری کردستان را می‌توانست ثبت کند، فراخوان طرح را ما در روژان هم منتشر کردیم اما حیف که دست اجل مهلت نداد و خیلی زود روح بلندش به آسمان پرکشید و همه ما را در غم فقدان خود سوگوار کرد، روحش شاد و یادش گرامی.