رفتن به بالا

روزنامه فرهنگی، اجتماعی، اقتصادی رۆژان

تعداد اخبار امروز : 0 خبر


  • دوشنبه ۱ بهمن ۱۳۹۷
  • الإثنين ۱۴ جماد أول ۱۴۴۰
  • 2019 Monday 21 January

  • روزنامه روژان

    صاحب امتیاز و مدیر مسوول: سلیمان الله‌مرادی

    ..............................................................

    نشانی: سنندج - میدان آزادی - انتهای کوچه سجادی (کوچه رزان) - پلاک ۱۱۵

    کد پستی: ۳۳۹۵۳-۶۶۱۳۷

    ..............................................................

    تلفن: ۳۳۲۳۸۵۴۵-۰۸۷

    ای‌میل: info@rojanpress.com

    کانال تلگرام: rojanpress@


اوقات شرعی

  • یکشنبه ۱۰ دی ۱۳۹۶ - ۱۳:۰۱
  • کد خبر : 3738
  • هفته‌نامه روژان
  • چاپ خبر : به‌سه‌رهاتی شێعرێ
عیماد که‌ریمیان

به‌سه‌رهاتی شێعرێ

عیماد کەریمیان/ کاک “توفێق ئیبراهیمی” لە سەرەتای حەفتاکانا شێعری “ساکی سەفەری” نووسی. ئه‌م شێعره له‌و ساڵانه بە هۆی ناکۆکی نێوان ئێران و عێراق و قه‌ده‌غه بوونی هاتووچۆ له نێوان کوردستانی ئێران و کوردستانی عێراق کاریگەرییەکی زۆری لە نێوان هاووڵاتیانی کوردی هەر دوو لا بوو و هەروەها ده‌نگدانه‌وه‌یه‌کی زۆری هه‌بوو. کاک “توفێق ئیبراهیمی” سەبارەت بەم شێعرە […]

عیماد کەریمیان/ کاک “توفێق ئیبراهیمی” لە سەرەتای حەفتاکانا شێعری “ساکی سەفەری” نووسی. ئه‌م شێعره له‌و ساڵانه بە هۆی ناکۆکی نێوان ئێران و عێراق و قه‌ده‌غه بوونی هاتووچۆ له نێوان کوردستانی ئێران و کوردستانی عێراق کاریگەرییەکی زۆری لە نێوان هاووڵاتیانی کوردی هەر دوو لا بوو و هەروەها ده‌نگدانه‌وه‌یه‌کی زۆری هه‌بوو.
کاک “توفێق ئیبراهیمی” سەبارەت بەم شێعرە دەڵێ:
«له بڵاوگه‌ی “گۆران”، لەگەڵ به‌ڕێزان: “حه‌سه‌ن سوبحانی”، “حه‌کیم مه‌لا ساڵه‌ح” و “جه‌لال مه‌له‌کشا” دانیشتبووین. بۆ یه‌که‌مین جار شێعری “ساکی سه‌فه‌ر”م لەو کۆڕە دۆستانەیەدا خوێنده‌وه. لەدوای خوێندنەوەی شێعرەکە، کاک جه‌لال کە دۆستی دێرینەمە و دۆستایەتیشمان زۆر خۆشە. تووڕە بوو و وتی: ئەمە شێعر نیە و بۆ ئەدەبی کوردی عەیبە! لێمی سەند و دڕاندی. دواجار کاک جەلال لە سنە رۆیشت و چوو بۆ گۆڤاری “سروه” و ئه‌م شێعره‌ی گۆڕی و لە چەندین کۆڕ و کۆبوونەوەدا خوێندیەوە و ئیتر شێعری “ساکی سەفەر” به ناوی کاک جه‌لاله‌وه بڵاو کرایه‌وه. منیش به بۆنه‌ی دۆستایه‌تی له گه‌ڵ کاک جه‌لال و خۆشه‌ویستیێک که له نێوانماندا هه‌بوو، ئیتر له سه‌ر ئه‌و شێعره نه‌چووم.»
من خۆم (نووسەری ئەم بابەتە) لەو ساڵانەدا کە هاتووچووی کۆڕ و ئەنجۆمەنە ئەدەبیەکانم ئەکرد ئەم شێعرەم چەن جار لە زاری کاک “تۆفێق ئیبراهیمی”یەو بیستووە. جاری یەکەمیش لە ماڵی بەڕێز “حەکیم مەلا ساڵەح” کە کرێچی ماڵی خوالێخۆشبوو “حەمەی روستەمی” بوون ئەم شێعرەم بیست. لەو کۆڕەدا رێزداران “حەکیم مەلا ساڵەح”، “بێهزاد رەحیمی سەنەندەج”، “عه‌به‌ی حه‌واری نه‌سه‌ب”، “شێخ ناسێح نەقشبەندی”، خوالێخۆشبووان “حەمەی روستەمی”، “ژیلا حوسەینی” و “مامۆستا ئەهوەن” بەشدار بوون.
به ڕاستی به هه‌ڵسه‌نگاندی شێعری کاک تۆفێق و کاک جه‌لال ئه‌م ڕاستیه ده‌ر ئه‌که‌وێ که ئه‌م شێعره زیاتر له شێوازی شێعریی کاک توفێق ئه‌چێت و له شێعره‌کانی کاک جه‌لال ناچێ.
بەهەرحاڵ لەگەڵ رێز و خۆشەویستیم بۆ کاک جەلال مەلەکشا کە یەکێ لە شاسوارانی گۆڕەپانی شێعری کوردیە، من وەکوو کەسێکی بێلایەن گەواهی ئەدەم کە ئەم شێعرە شێعری بەڕێز تۆفێق ئیبراهیمیە کە بە هەڵە بەناوی کاک جەلالەوە بڵاو کراوەتەوە.
لە پاش گشتپرسی سەربەخۆیی هەرێمی کوردستانی عێراق و رووداوەکانی پاش گشتپرسی و هەروەها سەرهەڵدانی نارەزایەتی جەماوەری شارەکانی هەرێمی کوردستان بەڕێزان “رەحیم لوقمانی”، “کەریم دافعی”، “ئاوارە”، “هەڵۆی‌قەندیل”، “م ئـ هۆگر”، “ئارام مەلەکشا”، “هەوراز …جوانڕۆ”، “نامۆ سەقز”، “دوکتۆر کەریمی”، “ئارەش سنە” و… شێعریان لەسەر بنەمای ئەم شێعرە نووسیوە.
لێرەدا شێعری کاک تۆفێق، کاک جەلال، کاک رەحیم و کاک کەریم‌تان ئاراستە ئەکەم:

شێعری “ساکی سەفەر”ی کاک “تۆفێق ئیبراهیمی”:
خۆزگە ڕۆژێ
خه‌سره‌و کوڕم
ساکی سەفەر
کاتە شانی و
ده‌ڵاڵه‌کان گاراژ سنه
هاوار بکه‌ن:
سلێمانی… سلێمانی

شێعری “جانتای سەفەر” کە بەناوی کاک “جەلال مەلەکشا”وە بڵاو کراوەتەو:
ئاخۆ ئه‌و ڕۆژه که‌ی بێ؟
کاوەی کوڕم
جانتای سه‌فه‌ر کاتە شانی و
ده‌ڵاڵه‌کان به‌ر گاراژی شاری سنه
هاوار بکه‌ن:
سلێمانی … سلێمانی

شێعری کاک “ڕەحیم لوقمانی ”:
هاوڕێم “جەلال“!
کاوەی کوڕت ئاگادار کە
کە “جانتای سەفەری کردە شان”
با نەچێت بۆ سلێمانی
نەکا هەوای “شانزەی ئۆکتۆبر”
ژاراویی کات سییەکانی
بڵێ بچێ بۆ جێژوانی ئاشقانی نیشتمانی
لە سەر شوورەی سووری ئامەد
سوجدە بەڕێت
بۆ پەلکەی پیرۆزی کچانی کۆبانی

شێعری کاک “کەریم دافعی (ک.د.ئازاد)”:
هاوڕێم “جەلال”!
ڕێگا مەدە کاوەی کوڕت
بڕوا بەرەو سلێمانی!
لەوێ هێشتاش خۆفرۆشەکان
بە ئاشکرا و بە نیهانی
کورد دەفرۆشن؛
بە عەڕەب و بە ئێرانی!

لە پاش بڵاوبوونەوەی ئەم دوو شێعرەی کاک رەحیم و کاک کەریم، کاک تۆفێقیش ئەم شێعرەی خوارەوەی وەکوو تارۆز (تەنز)، سکاڵای خۆی بەرانبەر بە ئەو کەم‌لۆتفیەی دۆستان بڵاو کردووەتەوە:
کاتێ ویستم خەسرەو کوڕم
ساکی سەفەر کاتە شانی و
دەڵاڵەکانی بەر گاراژ سنە
هاوار بکەن:
سلێمانی… سلێمانی،
شاعێرێکی گەورە و ناودار
لێم تووڕە بوو
شێعرەکەی لێم سەند و دڕاندی
فەرمووی:
ئەوە شێعر نیە و
بۆ ئەدەبی کوردی عەیبە…
کەچی ئێستە!!!
هەر ئەو شێعرە
دەس بەدەس ئەگەڕێت و
بووە بە تف
بۆ نێو چاوی سیاسیەکانی سلێمانی
***
بژیم خۆم…
تۆفێق ئیبراهیمی

اخبار مرتبط

نظرات

یادداشت روژان

به یاد کاک رحیم ذبیحی

هژیر الله‌مرادی انگار همین دیروز بود به دفتر روژان آمد، مانند همیشه با چهره‌ای خندان و چند ایده جدید که انجام هرکدام می‌توانست چراغی روشن فراروی نسل آینده باشد، کاک رحیم تنها یک کارگردان و فیلمساز عادی نبود. او غم مردم داشت و پشت هرکدام از آثارش می‌توان انبوهی از رنج و مرارت را دید. خود می‌گوید: غمی انسانی از من یک فیلمساز ساخت. در باره روژان نیز گفت: همان نشریه‌ای است که سالها انتظار بودنش را داشتیم. مرگ حق است اما افسوس که برای رحیم ذبیحی زود بود و طرحهایش ناتمام ماند. از تهیه فیلمی بنام «روزی، روزگاری شهرمان بانه» حرف می‌زد که نگاهی به وقایع تلخ روزهای جنگ و بمباران شهر داشت، وقایعی که بخشی از تاریخ فرهنگ پایداری کردستان را می‌توانست ثبت کند، فراخوان طرح را ما در روژان هم منتشر کردیم اما حیف که دست اجل مهلت نداد و خیلی زود روح بلندش به آسمان پرکشید و همه ما را در غم فقدان خود سوگوار کرد، روحش شاد و یادش گرامی.