رفتن به بالا

روزنامه فرهنگی، اجتماعی، اقتصادی رۆژان

تعداد اخبار امروز : 0 خبر


  • شنبه ۲۹ دی ۱۳۹۷
  • السبت ۱۲ جماد أول ۱۴۴۰
  • 2019 Saturday 19 January

  • روزنامه روژان

    صاحب امتیاز و مدیر مسوول: سلیمان الله‌مرادی

    ..............................................................

    نشانی: سنندج - میدان آزادی - انتهای کوچه سجادی (کوچه رزان) - پلاک ۱۱۵

    کد پستی: ۳۳۹۵۳-۶۶۱۳۷

    ..............................................................

    تلفن: ۳۳۲۳۸۵۴۵-۰۸۷

    ای‌میل: info@rojanpress.com

    کانال تلگرام: rojanpress@


اوقات شرعی

  • دوشنبه ۲۰ فروردین ۱۳۹۷ - ۱۸:۵۱
  • کد خبر : 3926
  • هفته‌نامه روژان
  • چاپ خبر : ژینگە پارێزیی تەنیا پاراستنی ژینگە نیە

لە کاتێکدا سێبەری شەڕ و کاولکاری سروشتی و ئاوارەبوونی مرۆڤەکان و لە ناو چوونی هێڤرەکانی ژیانەوە ئاستی زێدەتر بوە و ئاکامی کۆنوانسیۆنەکانی نێونەتەوەیی و هەوڵە جیهانییەکان لە لایان دەسەڵاتی سەرمایەدارییەوە بێ وڵام ماوەتەوە پێویستە مرۆڤ و کۆمەڵگای مرۆڤایەتی بە فکر و زانستێکی نوێ تر ئاوڕێک لە ژینگە و ژینگەپارێزی سەردەم بدەن و سیستمێکی ئەخلاقی ئێکۆلۆژیکی […]

لە کاتێکدا سێبەری شەڕ و کاولکاری سروشتی و ئاوارەبوونی مرۆڤەکان و لە ناو چوونی هێڤرەکانی ژیانەوە ئاستی زێدەتر بوە و ئاکامی کۆنوانسیۆنەکانی نێونەتەوەیی و هەوڵە جیهانییەکان لە لایان دەسەڵاتی سەرمایەدارییەوە بێ وڵام ماوەتەوە پێویستە مرۆڤ و کۆمەڵگای مرۆڤایەتی بە فکر و زانستێکی نوێ تر ئاوڕێک لە ژینگە و ژینگەپارێزی سەردەم بدەن و سیستمێکی ئەخلاقی ئێکۆلۆژیکی بۆ داڕێژن، چونکە فکری ژینگەپارێزی بە تەنیا پاراستنی ژینگە نیە بەڵکوو ڕوانگەیێکی بەربڵاوی فەلسەفی،ئابوری،سیاسی،کۆمەڵایەتی،فەرهەنگی و ئەخلاقی لە خۆ دەگرێت.
تیشکی زۆرتر ئەوەیە مرۆڤی زانست پەروەر ، پیشەساز و تەکنۆلۆژیا پەرەست شانازی بەوە دەکات کە توانی بە سەر سروشتدا زاڵ بێت، چیتر سروشت بە تۆ بانگ ناکات و لە زەنجیری ژێر دەستیدا دەیبینێ و سروشت بە هەموو ڕەگەزەکانیەوە لە باوەڕیدا کۆیلەیە بۆ حەز و هەواو هەوەسەکانی ، مرۆڤ تازە ئەمجارەیان دەبینێت لە پای وێرانکردنی سروشت خۆشی لە مەترسی لە ناو چوون نزیک بوەتەوە، ئیستا ئێمە تێدەگەین کە مرۆڤ بۆ ماوەیەکی درێژ توانی سروشت ڕام بکات و بێ ئاگاو سەرمەست سروشتی کرد بە پێخوستی خۆی، بەڵام چیتر زەوی ڕازی نییە مرۆڤ ملهۆڕانە پێی بەسەردا بنێت و خۆی بە پیرۆز و مەزنتر بزانێت، مرۆڤ گەر لەمەودوا ڕێزی ئەم خاک و خۆڵە نەگرێت لە ژێر پێییەکانیدا وەکوو گڕکان دەتەقێتەوە و چیتر مەسەلەش غەزەبی خودا نییە بەڵکو تۆڵەو تووڕەبوونی سروشتە لە بەرامبەر ملهۆڕییەکانی ئێمەدا.
گرنگترین خاڵی ئەم ڕوانینە ئەوەیە کە بە لە ناو بردنی جوانییەکانی سروشت خۆی دەسپێکێکە بۆ قەبووڵ نەکردنی بیری بەرانبەر و جیاوازی خۆمان و لە دوای ئەم نالەبارییەدا شەڕ و ئاژاوە و ململانێی بیرۆکە تەسکە ڕادیکاڵەکان سەرهەڵ ئەدات، سەدەها ساڵە سروشت ئازاری دەدرێت و جوانییەکەی دەشێوێندرێت، کەچی هەر خامۆش و ئارامە، ئیتر تا ئێرە و بەس.
سروشت پێمان دەڵێت؛ بە مەرگی من تۆش کۆتایت دێت، چەندە پتر پیسم بکەیت خۆت بۆگەن دەبیت، چەندە تۆ ملهۆڕانە پڕم دەکەیت لە دووکەڵ لە کۆتاییدا خۆت کوێر دەبیت، چەندە پڕم بکەیت لە تەقینەوەی بومبەکانت زووتر خۆت کەڕ دەبیت، چەندە پتر دارستانەکان دەسوتێنیت، ئەوەندە پتر هەناسەی خۆت سوار دەبێت، دواجار پێویستە بزانین کە سروشت بە خاک و خۆڵ و بەرد و دار و هەوا و ئاوەوە دوا ساتەکانی تووڕەبوونی خۆی دەژیت، ئیستاکە پێویستە ئێمەش بە بەشی خۆمان دە بەرانبەری ئەم قەیرانە کە ئاکامی لە ناو چوونی ئەستێرەی زەوی و ژیانە بەرەنگار ببینەوەو و هەنگاوی کردەوەیی خۆمان لە بوارەکانی پەیوەندیداردا هەڵێنین و مەرجە ئەوە بزانیین کە بێ ئەو هەموو شتە جوانانەی دەورووبەرمان ناتوانین بژین و لە ناو بردنی جوانییەکانی سروشت خۆی دەسپێکێکە بۆ قەبووڵ نەکردنی بیری بەرانبەر و جیاوازی خۆمان و ئەوە دەر دەخات ئەگەر لە بەرانبەر مەل و ماسی و گیاندارە کێوییەکان دڵڕەق و دڕندە بین زۆر ئاسانە بتوانین لە بەرانبەر بە یەکدیش دڕندە بین.
مناڵەکانمان فێر بکەین کە گوڵەکانیش وەک ئێمە گیانلەبەرن، با فێریان بکەین کە سووپاسی مانگ و ئەستێرەکان بکەن، فێریان بکەین کوشتنی ئاسک و بەرازێک، سەرەتایەکە بۆ کوشتنی خودی مرۆڤ
پێدەچێت وەکوو پێویستە لە کەرتی پەروەردەوە نەوەی داهاتوومان ئاگادار بکەینەوە کە سەر بڕینی مەل و مەڕێک هەرچەندە برسیمان بێت؛ گوناهە، کوشتنی ماسیەک لە ناو ئاودا کە بە ئازادی دێت و دەچێت، کوشتنی جۆرێکە لە ئازادی ناو سروشت، با فێریان بکەین کوشتنی ئاسکێک و بەرازێک بە بیانووی خۆشی ڕاو یان برسییەتی سەرەتایەکە بۆ کوشتنی خودی مرۆڤ، فێریان بکەین شەرم و ڕێز لە هەموو زیندوویەک بگرن، مناڵەکانمان فێر بکەین کە گوڵەکانیش وەک ئێمە ڕۆحلەبەرن و ئازاریان پێدەگات کە لە ناو باخەکاندا هەڵیاندەپچرین، با فێریان بکەین کە سووپاسی مانگ و ئەستێرەکان بکەین، با فێریان بکەین چۆن بە سەر سەوزایی و گیاکاندا ڕێ دەکەن و چۆن پاییزیان بە قەد بەهار خۆش بوێت.
گەر فریای ئەوە نەکەوین ئەم نەوەیە فێری جوانپەرەستی بکەین هەمان ئەو مێژووە ڕەش و نالەبارەی ئێمە لە گەڵ سروشتدا دوبارە دەبێتەوە، وا جوانترە بە مانای لێبوردەیی و دەستکراوەیی و خۆشەویستی کە هێمایە بۆ ڕێز گرتن لە زەوی، وەکوو ئامێزی بۆ سەرجەم بوونەوەرەکان کە جوان و خراپ بە یەک چاو دەبینێ و وەک دایکێک دەڕوانێتە هەموو بوونەوەرەکاندا و میهرەبانییان پێ دەبەخشێ لە ئەدەبیاتماندا جێی کەینەوە و زەوی و پاراستنی ژینگە پێکەوەگرێ بدرێنوو وەک بیرێکی ئەخلاقی رێزی لێ بگیرێ.

اخبار مرتبط

نظرات

یادداشت روژان

به یاد کاک رحیم ذبیحی

هژیر الله‌مرادی انگار همین دیروز بود به دفتر روژان آمد، مانند همیشه با چهره‌ای خندان و چند ایده جدید که انجام هرکدام می‌توانست چراغی روشن فراروی نسل آینده باشد، کاک رحیم تنها یک کارگردان و فیلمساز عادی نبود. او غم مردم داشت و پشت هرکدام از آثارش می‌توان انبوهی از رنج و مرارت را دید. خود می‌گوید: غمی انسانی از من یک فیلمساز ساخت. در باره روژان نیز گفت: همان نشریه‌ای است که سالها انتظار بودنش را داشتیم. مرگ حق است اما افسوس که برای رحیم ذبیحی زود بود و طرحهایش ناتمام ماند. از تهیه فیلمی بنام «روزی، روزگاری شهرمان بانه» حرف می‌زد که نگاهی به وقایع تلخ روزهای جنگ و بمباران شهر داشت، وقایعی که بخشی از تاریخ فرهنگ پایداری کردستان را می‌توانست ثبت کند، فراخوان طرح را ما در روژان هم منتشر کردیم اما حیف که دست اجل مهلت نداد و خیلی زود روح بلندش به آسمان پرکشید و همه ما را در غم فقدان خود سوگوار کرد، روحش شاد و یادش گرامی.