رفتن به بالا

روزنامه فرهنگی، اجتماعی، اقتصادی رۆژان

تعداد اخبار امروز : 0 خبر


  • سه شنبه ۲۲ آبان ۱۳۹۷
  • الثلاثاء ۴ ربيع أول ۱۴۴۰
  • 2018 Tuesday 13 November

  • روزنامه روژان

    صاحب امتیاز و مدیر مسوول: سلیمان الله‌مرادی

    ..............................................................

    نشانی: سنندج - میدان آزادی - انتهای کوچه سجادی (کوچه رزان) - پلاک ۱۱۵

    کد پستی: ۳۳۹۵۳-۶۶۱۳۷

    ..............................................................

    تلفن: ۳۳۲۳۸۵۴۵-۰۸۷

    ای‌میل: info@rojanpress.com

    کانال تلگرام: rojanpress@


اوقات شرعی

  • سه شنبه ۲۵ اردیبهشت ۱۳۹۷ - ۱۸:۴۵
  • کد خبر : 4060
  • هفته‌نامه روژان
  • چاپ خبر : بەهەشتێکـی پچڕاو…

دەمێکە دەیناسم، لە مێژە، ساڵانێکی یەکجار زۆر. پورە «ئــامـیـن» دەڵێم، ئێستاش بزەی سەر لێو و بۆنی مێخەک و سمڵی بەرۆکی وەک نەرمە بارانی سەر کوێستان بە نێو ڕۆحی تینومدا دەگەڕێ…. ئێستاش وەک «سی» ساڵ پێش لەچکێکی ناسکی ئاورێشمی سپی داوە بە سەریا و ئەگریجە‌کانی بەلا ڕوومەتیا وەک چڵە ڕێحانەی ژاکاو هاتوونە خوارێ و کوڵمە سورەکانی […]

دەمێکە دەیناسم، لە مێژە، ساڵانێکی یەکجار زۆر.
پورە «ئــامـیـن» دەڵێم، ئێستاش بزەی سەر لێو و بۆنی مێخەک و سمڵی بەرۆکی وەک نەرمە بارانی سەر کوێستان بە نێو ڕۆحی تینومدا دەگەڕێ….
ئێستاش وەک «سی» ساڵ پێش لەچکێکی ناسکی ئاورێشمی سپی داوە بە سەریا و ئەگریجە‌کانی بەلا ڕوومەتیا وەک چڵە ڕێحانەی ژاکاو هاتوونە خوارێ و کوڵمە سورەکانی وەک هەناری هەورامان خوێنی تێ زاوە.
چاو لێک دەنێم و بە نێو ئەرشیڤی یادەوەریەکانما دەگەڕێم.
تازە دەزانم ڕۆژگار چەن بێ بەزەییانە گاڵەی پێ کردووم، لە ناهەق نیە سەر و ڕیشم ماش و برنجی وێساوە.
دەڵێی هەر دوێنێ بوو…
سی ساڵ پێش ئەڵێم، دەنگی (ئاژیر)ی ئاگادار کردنەوەی بارودۆخی نائاسایی و ئەگەری هێرشی فڕۆکەی ڕژێمی بەعسی عێراق لە ڕادیۆ مەریوان ئەبیسرا.
لە پڕێکا وەک هەورە بروسکەی بەتەوژم کەوتنە وێزەی شار و (زرم، زرم، زرم) دەنگی ڕەشاش و چەکی دژە ئاسمانیەکان و دووکەڵ و بۆنی خوێن و باروت هەموو شاری داگرتبوو.
بە پڕتاو لە نێو کەلاوەی ماڵە داڕماوەکانا و ویزە‌ویزی (ئامبۆلانس) و ئۆتۆمبێلی فریاکەوتن، لە دوای توێتایەکا خۆمان گەیاندە دەرەوەی شار، بۆ کوێ نازانین؟!…
کاتێ گەشتینە ئاوایی «ئـەسـراوا»، دەڵێی خەڵکی ئاوایی پێشتر بە پەرۆشەوە چاوەڕێی ئێمەیان دەکرد.
ژمارەیەکی زۆر خەڵکی شار لەوێ بوون، ئاخر زۆریانم دەناسیەوە.
هیلاک و برسی و ماندوو، سەروچاوی تۆز و خۆڵ لێنیشتوو هەژار و داماو. لە تاو ترس و دڵەڕاوکێ، تف لە دەمماندا وشک ببوو، زۆر بەزەییم بە خۆماندا دەهاتەوە، لە دڵەوە خۆزگەم بە خەڵکی لادێ دەبرد.
گریانی مناڵی ساوا و دەنگی شین و لاوانەوەی ژنان بەدوای مناڵ و کەسوکاریاندا، مەرگی ژێر داروپەردوی ماڵی هاوشاریانم، تاڵترین یادەوەریەکانی دەستی شەڕی نەخوازراوە کە بۆ هەرگیز لەیادم ناچێ…
«پـورە ئـامین» لە نێو ئاپۆڕەی خەڵکی ئاوایی و ئاوارەکان بە حەپەساوی ڕاوەستابوو، بە پەرۆشەوە دەیڕوانیە جەماوەر و جارجارەش بە سووچی فەقیانەکەی چاوەکان و لوتی دەسڕی.
قەدەر «پـورە ئـامین»ی کردە خانەخوێمان و لە ماڵە خنجیلانەکەیدا گیرساینەوە.
ئێستا ئەزانم دڵی «پورە ئامین» چەندە فراوان و گەورە بوو.
خێزانێکی حەوت کەسی بۆ چەن مانگ لەسەر سفرە و خوانی «پورە ئامین» میوان بووین.
میوان، نـا، نـا، ئێمەش وەک هەموو ئاوارەکانی دیکە بەشێک بووین لە ماڵ و خێزانی دەستەبرای خەڵکی ئـاوایی…
ماڵی پورە ئامین بەشێکی پچڕاو لەو بـەهـەشتە بەرینە بوو کە باسی دەکەن، گوێسەبان و سەربانیجە هەتا سەربان بە گوڵی لاولاو و ژاڵە و دەیان جوری ڕەنگاوڕەنگ ڕازابۆوە.
بەیانیان زوو هەتا شێوان پورە ئامین پانتۆڵی پیاوانی لێ هەڵدەکێشا و بەناو حەوش و بان و دەرگا و هەیواندا دەهات و کارژۆلە و بەرخەکانی لە باوەش دەگرت و دەی لاواندنەوە و لە بەرخۆوە گۆرانی بۆ دەوتن.
ئێواران ئەودەمەی ڕان و گایەل دەگەڕاوە هەموو ئاوایی جمەیان دەهات، فیکەی شوان و بۆڕەی مانگا زەردی پورە ئامین و ڕێچکەی جووچکە و مریشک لە نێو حەوشە و حەسار، ئەودیمەنانەن کە ئێستاش زاخاوی دڵم ئەداتەوە.
پورە ئامین زۆۆۆۆر مێهرەبان بوو، دەڵێی هەموو جوانی و بزە و پێکەنینەکانی دنیا لەودا کۆببوەوە، بەیانیان باوەشێ نانی تیری و هێلکە و کەرە و ماست و کولێرەی پەنجەکێشی ئەخستە سەر نانەشان و سەماوەرە سکڵەکەشی بە نەرمی سیاچەمانەی بۆ دەوتین.
زۆر جار ئەموت خۆزگا پورە ئامین دایکم بوایەت، خۆزگە «شەڕ» کۆتایی نە ئەهات و هەر لەماڵ پورە ئامین دەبووین!…
نـا، نـا، خۆزگە خەڵکی «ئـەسـراوا» ئەبووین و دراوسێی بەشە بچکۆلانەکەی بەهەشت، مـاڵ پـورە ئـامین ئەبووین.
ئاخر پورە ئامین هەمووکەسێکی خۆش ئەویست، دەستە گەرمەکانی وەک سێحرباز پڕ بوو لە مێهرەبانی و نەوازش، تەنانەت مانگا زەرد و بەرخ و مریشک و کەڵەشێر و گوڵە کانی سەرحەسار و دار تووەکەی ناو کۆڵانیش خۆشیان دەویست.
ڕۆژگار هات و ڕۆی، «شـەڕ» چۆن دەستی پێکرد، ئاوەهاش کۆتایی هات!…
پورە ئامین وەک پەڕەسێلکە جارجارە دەهاتە دیدارمان بۆ ناو شار، ئاخر هەرکات دەهات بۆنی بەهار و سمڵ و ڕێحانەی لەگەڵ خۆ دەهێنا. دەنگی پورە ئامین خۆشترین نۆتی مۆسیقایە کە لە گوێمدا دەزرنگێتەوە و خەم و ئازارەکانم دەڕەوێنێتەوە.
ئێستاش دەستە مێهرەبان و بەخشندەکەی هەر ئاوەڵایە و چارەکەی بن دەستی کولێرە گاڵگاڵی و هەزبێ و ژەمۆڵکە کەرە و هێلکەی خۆماڵی تێدایە.
ماوەیەکە دوور لە گیانی پورە ئامین زۆر ناسازە، هەر ئەکۆکێ و هاوار گورچیلەی ئەکا، دەستەگەرمەکانی وەک باڵە ڕەنگینەکانی پەپوولە لەرزۆکە و چاوەکانی وەک زەردەی خۆرئاوا لەسەر کەلی ژیان کز و بێ هێزە…
ئیتر باخچەکەی پورە ئامین بێ نازە و وەک جاران لاولاو و هەزبێ و ڕێحانە چەکەره ناکا و شەتڵەکان باڵاناکەن.
ساڵانێکە ئازارە باریکە بەربۆتە گیانی مانگا و مەڕ و ماڵاتی ئاوایی، ئیتر نووشتەی ناوچاوانیشیان هیچ تەوفیریان پێ ناکا و بەدەم کەف چەرانەوە مردار ئەبنەوە.
ئێستا لەناو دێ دوکانی مارکت باوە و شیر و پەنیر و کەرە و دۆی شیرکەتی وەک خۆڵ وایە.
نەخۆشین و هەناسەبڕکێ وەک دێوەزمە خۆی کردوە بە ناو ئاواییدا و مناڵانی گوند وەک ساقەتی گەڵا ڕووتاو زەرد هەڵدەگەڕێن و هەڵدەپڕووکێن.
ڕۆژگارێکی سەیره، کانیاوەکانی ئاواییش وەک جاران لرفەیان نایەت و تامیان گۆڕاوە.
ئێستا خەرمان بێ بەرەکەتە و ڕەز و باخ و دەشت و مەزراش بێ ڕەونەقە و کرێی جووتی تەراکتۆرەکان دەرنایەنێت.
دوکتۆر ئەڵێ بەهۆی پیس بوونی ژینگەوە نەخۆشین لە «ئەسراوا» ڕوو لە زیادبوونە و دەرمانەکان هیچ کەڵکیان نیە.
ئاخر ئەڵێن «ژیـــژوان» کراوەتە زبڵدانی شار و هەموو ڕۆژێک دە گەڵابە زبڵی تێ ئەکەن.
ئەمڕۆ پورە ئامین دیسان پانتۆڵەکەی لێ هەڵکێشا و هەروەک جاران لەچکە سپیە ئاورێشمەکەی دابەسەریا و قەف قەف پرچە ڕەنگ بەفرینەکەی پێ داپۆشی.
بە هەنگاوە لەرزۆکەکانی ڕێگای ئەسراوا تا ژیژوانی تەقەڵ ئەدا و بەدەم ڕێگاوە خەیاڵ هەڵی دەگرت.
لەسەر باڵی هەورەکان دەفڕی و لەوسەرەوە دەیڕوانیە کەروێشکەی گەنم و جۆی مەزرا و باخە ڕەزەکانی گوند و دووکەڵی سەرتەنوورەکان بۆ تاقی ئاسمانی شین هەڵدەکشا.
پۆل پۆل باڵندەکان بەسەر ئاسمانی بێگەردی «ئـەسراوا» لە شەقەی باڵیان ئەدا و ڕوولە ژیـژوان لەنگەریان دەگرت.
سمۆرەکان لەناو لق و پۆپی دار بەڕوار و مازوار بازیان ئەدا و کیسەڵەکان بە هێوری مێرگ و گەڵایان دەجویەوە.
لەق لەقی دەنووک سوری دەبینی لەسەر دار قەزوانی ژیژوان هێلانە دەکا و چەمی کەف چەرێنی پێش ئاوایی چەشنی ڕەش مار بەدەشت و دەرا دەخزێ و مۆسیقای ئاوەدانی بۆ ژیژوان دەچڕێ.
پورە ئامین هەروا لەسەرخۆ ڕێگە دەبڕێ و سواری ئەسپی خەیاڵ دەبێ و پێ لە ئاوزەنگی توند ئەکا، تازە بووکی شەرمنە و لە دێبەری تەنیشت ئاوایی چەپکێ ڕێحانە دەکاتە دەستە و بۆ ئاوێنەی ناوقەد دیواری ژوورەکەی دەبا.
ئێستا ئیتر لە «چـاڵـە چـڕە»یە و لەناکاو پێش چاوی ڕەش بوو، گورزێکی قایم بەر تەپڵی سەری ئەکەوێ و جووتێ پۆتینی ڕەش پێلەقەی لەشی دەکەن.
کاتێ دێتەوە سەرخۆ، خوێن بە پرچە سپیەکانیا ئەتکێتە سەر تەوێڵی چین تێکەوتووی و دڵۆپ دڵۆپ بەسەر سمڵ و مێخەکی بەر سوخمەکەیدا دەچۆڕێ….
بە سووچی فەقیانەکەی کوڵمە سورەکانی دەسڕێتەوە و تەزبێحەکەی لەمل دەردێنێ و بەدەم ڕێگاوە دۆعا و نزا دەکا و دەپاڕێتەوە…
ئاخر دونیای پورە ئامین زۆۆۆر بێگەردە، دونیایەکی تەژی لە مێهرەبانی و لە بۆنی گوڵە مێخەک و وەنەوشەی بەربەیان.
هەموو ڕۆژێک بەیانیان شاهەنگی ئاشق دێت و لە گوڵزاری دڵە گەورەکەی پورە ئامین شیلە نۆش دەکا و بە «فیردەوس»ی ناگۆڕێتەوە…
پورە گیان، بمانبورە، دەمێکە ئەم برینەی شێخ ئۆمەر ساڕێژ نابێ و هەر دەکولێتەوە.
هەردەکولێتەوە.
بمانبوورە….

ئەمجەد حەیدەری

اخبار مرتبط

نظرات

یادداشت روژان

نگاهی به سوانح دلخراش جاده‌ای در راه‌های استان کردستان

گوش‌هایی که نمی‌شنوند و چشم‌هایی که نمی‌بینند

بامداد سەشنبه ۲۰ تیر درحالیکه غالب مردم براساس نظم و گردش شبانەروز در بستر خواب بودند جمعیتی از شهر سنندج، به اقتضای نیاز و کار ضروری عزم سفر کردند تا در این گردش روزگار به نیازهای خود پاسخ دهند اما انگار مقدر چنین بود که به مقصد نرسند و در همان ابتدای سفر راهی دیار باقی شوند. حادثه دلخراشی که به سبب ارتباطات پیشرفته و شبکەهای اجتماعی خواب را در همان نیمەهای شب از چشم هموطنان ربود و به خبر اول خبرگزاری‌های ایران تبدیل شد، به گونەای که سه روز عزای عمومی اعلام شد و مقامات کشور از رئیس جمهور و رئیس مجلس گرفته تا بسیاری از وزرا و شخصیت‌های مطرح کشور با صدور پیامهایی به ابراز همدردی با مردم داغدار کردستان پرداختند و  روز پنجشنبه نیز خبر آن در صفحه اول همه روزنامەهای سراسری قرار گرفت. مرگ دست کم ۱۱ نفر که به سبب نوع حادثه قلب بسیاری‌ها را جریحەدار کرد. نکته حائز اهمیت در این رویداد تلخ ایجاد موجی از حزن و اندوه در عرصه استانی و ملی بود که اگر نبود این ابراز همدردی‌ها شاید تالم ناشی از آن برای  خانواده‌های داغدار قابل تحمل نبود. اما پیرامون این سانحه نکاتی قابل تامل است که بیان آن ضروری به نظر می‌رسد: ۱- تلنگری بود به مسوولان که هشدار رسانه‌ها و کارشناسان را جدی بگیرند. نقطه وقوع حادثه به عنوان مکانی حادثه خیز بارها مورد نقد قرار گرفته بود اما دریغ از یک پاسخ منطقی! ۲- بارها گفتیم و بار دیگر تکرار می‌کنیم، مردم کمبودها و ناملایمات را تحمل می‌کنند اما بی‌توجهی، اهمال، فخرفروشی و بی‌عدالتی ازسوی مسئولان را تحمل نمی‌کنند. شکی نداریم که با هزینه چندبرابرهم که شده این مسیر تحت فشار افکارعمومی در کوتاه‌ترین زمان اصلاح خواهد شد، همچنانکه قطعه‌ای از مسیر راه سنندج- حسین آباد، در سال 1382 پیش پس از واژگونی تانکر حامل مواد شیمیایی MTBE و سرازیر شدن مواد آن به داخل آب سد قشلاق بلافاصله اصلاح شد، آیا بهتر نیست قبل از وقوع حوادث تلخ و تحمیل هزینه‌های بسیار گوشها را بروی انتقادات بگشایند و اینقدر بیخیال نباشند. حتما باید جان چند نفر گرفته شود تا معبری حادثه خیز اصلاح شود؟ 3- بارها از تردد تانکر‌های نفتکش در جاده‌های کردستان به عنوان ارابەهای مرگ و کابوس نام برده شده است و سال‌هاست واژگونی تانکر‌ها که نفت و مشتقات نفتی عراق را از طریق جاده‌های باریک و ناامن کردستان به ویژه مریوان و سنندج به ایران می‌آورند یا محصولات نفتی فراوری شده مانند بنزین و گازوئیل را به آن کشور منتقل می‌کنند، همچون کابوسی مردم و محیط زیست منطقه کردستان را تهدید می‌کند. گفته می‌شود در سوآپ نفتی ایران و عراق روزانه ۳۰ تا ۶۰ هزار بشکه نفت خام از طریق مرز به پالایشگاه‌های کرمانشاه، شازند، تهران و تبریز انتقال داده می‌شود و ایران معادل آن را در بنادر صادراتی جنوب تحویل مشتریان عراق می‌دهد. آمار تردد روزانه از ۶۰ تا ۴۰۰ کامیون در محور مریوان – سنندج که یکی از باریک‌ترین و ...