رفتن به بالا

روزنامه فرهنگی، اجتماعی، اقتصادی رۆژان

تعداد اخبار امروز : 0 خبر


  • شنبه ۲۹ دی ۱۳۹۷
  • السبت ۱۲ جماد أول ۱۴۴۰
  • 2019 Saturday 19 January

  • روزنامه روژان

    صاحب امتیاز و مدیر مسوول: سلیمان الله‌مرادی

    ..............................................................

    نشانی: سنندج - میدان آزادی - انتهای کوچه سجادی (کوچه رزان) - پلاک ۱۱۵

    کد پستی: ۳۳۹۵۳-۶۶۱۳۷

    ..............................................................

    تلفن: ۳۳۲۳۸۵۴۵-۰۸۷

    ای‌میل: info@rojanpress.com

    کانال تلگرام: rojanpress@


اوقات شرعی

  • پنجشنبه ۲۹ آذر ۱۳۹۷ - ۱۱:۰۷
  • کد خبر : 4482
  • هفته‌نامه روژان
  • چاپ خبر : ئەردۆغان شه‌ڕدانی ئه‌خورێ

دییسان ره‌جه‌ب ته‌یب ئه‌ردۆغان سه‌رۆک‌کۆماری تۆرکیه ته‌پڵی شه‌ر ئه‌کوتی و هه‌ڕه‌شه له کوردانی سوریه ئه‌کات که به هێزی نیزامی په‌لاماریان ئه‌دات و وه‌ک عه‌فرینیان لێ ئه‌کات. شه‌ڕخوازی ئه‌ردۆغان له چیه و بۆ ئه‌یه‌وێ کورد ته‌فر و تونا بکات؟ ئه‌و پیاوه تورکێکی ره‌گه‌زه په‌ره‌ست و پاوانه خوازه که ئه‌یه‌وێت بیر و بۆ چونه‌کانی ئه‌تاتۆرک زیندوبکاته‌وه و […]

دییسان ره‌جه‌ب ته‌یب ئه‌ردۆغان سه‌رۆک‌کۆماری تۆرکیه ته‌پڵی شه‌ر ئه‌کوتی و هه‌ڕه‌شه له کوردانی سوریه ئه‌کات که به هێزی نیزامی په‌لاماریان ئه‌دات و وه‌ک عه‌فرینیان لێ ئه‌کات.
شه‌ڕخوازی ئه‌ردۆغان له چیه و بۆ ئه‌یه‌وێ کورد ته‌فر و تونا بکات؟ ئه‌و پیاوه تورکێکی ره‌گه‌زه په‌ره‌ست و پاوانه خوازه که ئه‌یه‌وێت بیر و بۆ چونه‌کانی ئه‌تاتۆرک زیندوبکاته‌وه و له سه‌ری بڕوا، به ڵام ئه‌و لا دین بوو و ئه‌م که‌وڵی ئیسلامی ئێخوانی له به‌ر کردوه‌ و ئه‌یه‌وێت به ڕواڵه‌ت خه‌لیفه بێت و وه‌ک سۆڵتانی عۆسمانی په‌ره به ناوچه‌کانی ژێر ده‌سه‌ڵاتی بدات و له عه‌ینی کاتدا خو و خه‌ده‌ی ئه‌تاتۆرک ڕه‌چاو بکات، بۆ گه‌ییشتن به ده‌سه‌ڵاتی ته‌واو له تورکیه ده‌یان لاره پێچی لێدا و به په‌یره‌و کردنی سیاسه‌تی پۆپۆلیستی واته عه‌وام فریوی خۆی گه‌یانده لوتکه‌ی ده‌سه‌ڵات و یاسای به ویستی خۆی گۆڕی.
دۆخی شڵه‌ژاوی ڕۆژهه‌ڵاتی ناوین بۆی بوه لێڵاو و ئه‌یه‌وێ ماسی بگرێ، پێش له ده‌ست وه‌ردانی راسته‌و خۆ له کار و باری ناوچه تاقمه ترۆریستیه‌کان وه‌ک ئه‌لنۆسره و جهاد و ته‌وحید و پاشان داعێشی گۆسته‌وه و به ئاشکرا و نهێنی له‌و تاقمانه پشتیوانی کرد؛ تۆرکیه‌ی کرده گوزه‌رگای ئه‌و که‌سانه که ئه‌یانویست بڕۆنه ریزی ئه‌و تاقمانه، پاڵپشتی ماڵی و نیزامی لێ کردن و بوه ده‌ڵاڵی فرۆشتنی نه‌وت و که‌ل و په‌لی تاڵانی، به ناو لایه‌نگری له گه‌لی سوریه درۆشمی ڕۆخانی ڕژیمی ئه‌و وڵاته‌ی وت کاتێ روسه‌کان بۆ یارمه‌تی ئه‌سه‌د چوونه سوریه، ئه‌ردۆغان باری لێ گۆڕی و ڕێگای دژایه‌تی له‌گه‌ڵ کوردانی سوریه گرته‌به‌ر. ئه‌مریکا که سیاسه‌تێکی دۆڕاوی له سوریه بوو، کوردی کرده ده‌سته‌برا و چه‌ک و چۆڵی پێدان و پاڵپشتی هه‌وایی لێ کردن تا شه‌ڕی داعێش بکه‌ن.

رووسه‌کان که ده‌سه‌ڵاتداری یه‌که‌من له سوریه نایانه‌وێ کورد به ته‌واوی پاڵ به ئه‌مریکاوه بدات بۆیه سیاسه‌تێکی نه‌رم و نیان به‌رامبه‌ر به کورد ره‌چاو ئه‌که‌ن و داواکارن له یاسای نوێی سوریه مافی کورد له به‌ر چاو بگیرێت. تورکیه له سیاسه‌تی ئه‌مریکا و روسیه به‌رامبه‌ر به کورد نارازیه به‌ڵام ناتوانێ به ئاشکرا به‌ر په‌رچیان بداته‌وه، جار و بار ته‌پڵێ شه‌ڕ دژ به کورد له سوریه ئه‌کوتێ و ئه‌ڵێ؛ یه‌په‌که هه‌ر په‌که‌که‌یه به‌ڵام که‌س لێی نابیسێ.
له راستیدا تورکیه دژی گه‌لی کورده؛ له بیرمانه دو ساڵ له‌مه‌و به‌ر ئه‌ردۆغان نه‌قشه‌یێکی نیشان هه‌موان دا که به پێی ئه‌و له حه‌ڵه‌ب تا هه‌ولێر و تا که‌رکوک خاکی تورکیه‌یه و ئه‌یه‌وێت داگیری بکات؛ پێش له ئه‌ردۆغان ئه‌تاتۆرک له ۱۹۲۳ زایینی و پاش مۆر کردنی په‌یمانی لۆزان هه‌ر داوای ئه‌یاله‌تی موسڵی ئه‌کرد، دوو ساڵی خایاند تا کۆمه‌ڵه‌ی گه‌لان ئه‌و ئه‌یاله‌ته‌ی خسته سه‌ر عێراق. تورکیه بۆ ماوه‌ی چه‌ن ساڵ به‌جۆرێکی ره‌مزی هه‌موو ساڵێ دابین کردنی ده له سه‌د بودجه‌ی له نه‌وتی که‌رکووک له به‌ر چاوو ئه‌گرت ئێسته‌ش په‌یڕه‌وه‌که‌ی ئه‌تاتۆرک هه‌ر له لایه‌ن ئه‌ردۆغانه‌وه درێژه ئه‌دریت؛ ئه‌یه‌وێت هه‌م کورد ته‌فر و تونا کاو هه‌م خاکی کرودستان داگیر کات، ئایا ئه‌توانی؟ هه‌ر چه‌ند کورد له راستیدا بێ پشتیوانه و لایه‌نگری ئه‌مریکا و وڵاتانی دیکه له کورد ده‌رحه‌ق به‌ وه‌خته و ناکرێ پشتی پێ ببه‌ستی، به‌ڵام وا دیاره ئه‌م تیکه بۆ ئه‌ردۆغان گه‌وره‌یه و قوت نادرێ. ئه‌و بۆ خۆیشی به‌م مه‌به‌سته ئه‌زانێ به‌ڵام فوو به که‌ڵه‌شاخی شه‌ڕ له‌گه‌ل کورد کردن زۆرتر له بۆ شارینه‌وه‌ی قه‌یرانه ناوخۆییه‌کانی تورکیه و ڕا کێشانی لایه‌نگری تورکه ره‌گه‌ز په‌ره‌سته‌کان بۆ لای خۆیه‌تی. ئه‌و له دۆخی ئێسته‌ی سوریه که‌ڵک ئه‌گرێ و ئه‌یه‌وێ هه‌م له روس بخوا و هه‌م له ئه‌مریکا، دڵی ئێرانیش به جێ بێنێ. ئه‌گۆنجێ ئه‌م چڵا و چڵ کردنه بۆ ماوه‌یێک خێری ببێ به‌ڵام ناتوانێ پێگه‌ی ئه‌ردۆغان پته‌و بکات؛ به تایبه‌ت که دۆخی ناوخۆی تورکیه که هه‌م له باری سیاسی و هه‌م ئابوری له‌بار نیه و ئه‌ردۆغان نه‌یاری فره‌س و نه‌یتوانیوه به‌ڵێنه‌کانی جێبه‌جێ بکا و به ناو به‌شداری له کودتایێک که راستیه‌که‌ی نه‌سه‌لمێندراوه تا ئیسته هه‌زاران که‌سی ڕاپێچی گرتوخانه‌کان کردووه‌ و گرتن هه‌ر وه‌ها به‌رده‌وامه. جا بۆ خۆی به‌م ناره‌زایه‌تیه ئاگاداره بۆیه ئه‌یه‌وێ سه‌رنجی تورکه‌کان بۆ ده‌ره‌وه ڕاکێشێ.

لێدانی ته‌پڵی شه‌ر له‌گه‌ل کورد له سوریه هه‌ر به‌م بۆنه‌وه‌یه ئه‌ردۆغان ئه‌گه‌ر بۆی بکرێ تۆخماتی کورد له سه‌ر عه‌رز ئه‌بڕێ، ئه‌و که له‌سه‌ر په‌یڕه‌وی ئه‌تاتورکه کۆنه قینی له کورده جا کورد شه‌ڕی داعێشی ده‌سته برایشی کردوه‌ و چۆکی به‌م تاقمه ترۆریستیه داداوه بۆیه رقی کۆن و نوێ تێکه‌ڵ ئه‌کاو به گژی کورددا ئه‌چی؛ به‌ڵام بار و دۆخی جیهان گۆڕدراوه، ئه‌گه‌ر ره‌زا شا و ئه‌تا تۆرک و نوری سه‌عیش زیندو بنه‌وه‌و په‌یمانی نوێی سه‌عدئابادیش مۆر که‌نه‌وه کوردیان پی له ناو نابرێ به‌ڵام هه‌ر په‌لاماری ئه‌ده‌ن.
په‌یمانی سه‌عد ئاباد له ۱۳۱۶ کۆچی هه‌تاوی له نێوان ئیران و تورکیه و عێراق مۆر کرا، قانێع هۆنه‌ری مه‌ریوانی سه‌باره‌ت به‌و په‌یمانه ئه‌ڵێ:

دوژمنان له‌م ڕۆژه‌دا فیکری چه‌په‌ڵیان خسته کار
که‌وته خۆ کۆنه‌په‌رستی بۆ قه‌ڵاچۆی کورده‌وار

کۆشکی سه‌عدئابادی به‌دفه‌ڕ بوو به مۆڵگه‌ی دۆژمنان
کونده‌بوو، شمقاڕه‌کوێر، که‌متیاری لانزار

سێ به سێ کۆ بوونه‌وه وا ئه‌نجـومه‌ن رازایه‌وه
بۆ قڕانی میلله‌تی کورد مۆر کـرا عه‌هد و قه‌رار

ناسر کانی‌سانانی

اخبار مرتبط

نظرات

یادداشت روژان

به یاد کاک رحیم ذبیحی

هژیر الله‌مرادی انگار همین دیروز بود به دفتر روژان آمد، مانند همیشه با چهره‌ای خندان و چند ایده جدید که انجام هرکدام می‌توانست چراغی روشن فراروی نسل آینده باشد، کاک رحیم تنها یک کارگردان و فیلمساز عادی نبود. او غم مردم داشت و پشت هرکدام از آثارش می‌توان انبوهی از رنج و مرارت را دید. خود می‌گوید: غمی انسانی از من یک فیلمساز ساخت. در باره روژان نیز گفت: همان نشریه‌ای است که سالها انتظار بودنش را داشتیم. مرگ حق است اما افسوس که برای رحیم ذبیحی زود بود و طرحهایش ناتمام ماند. از تهیه فیلمی بنام «روزی، روزگاری شهرمان بانه» حرف می‌زد که نگاهی به وقایع تلخ روزهای جنگ و بمباران شهر داشت، وقایعی که بخشی از تاریخ فرهنگ پایداری کردستان را می‌توانست ثبت کند، فراخوان طرح را ما در روژان هم منتشر کردیم اما حیف که دست اجل مهلت نداد و خیلی زود روح بلندش به آسمان پرکشید و همه ما را در غم فقدان خود سوگوار کرد، روحش شاد و یادش گرامی.